إعلان سينمائيلعطركبدون ما تحتاج فريق كامل.
عندك ثانية وحدة قبل ما الزبون يكمل سكرول. صورة المنتج العادية ما بتوقفه، والتصوير الاحترافي مكلف وبوخذ وقت. أنا بحول صورة منتجك لإعلان فيديو بمستوى البراندات الكبيرة، جاهز للنشر وللإعلانات الممولة.
إعلانات بتحكي عن حالها
اضغط على أي إعلان وشوفه مع الصوت. هاد المستوى اللي بتستلمه.
كل الإعلانات هون عملتها بمبادرة مني لبراندات بحبها، عشان تشوف المستوى قبل ما نشتغل مع بعض. مش بتكليف رسمي من البراندات.
بتبعتلي صورة.
برجعلك فيديو.
نفس المنتج ونفس الشعار، بس بإعلان فيديو كامل. اسحب الخط وشوف: على اليمين الصورة اللي وصلتني، وعلى اليسار الفيديو اللي طلع منها.
صورة الساعة الرسمية، صارت فيديو بقاع البحر، وبالآخر بتطلع كاسة مية على الطاولة.
‹ ›
صورة المنتجالفيديو النهائي
ibrahim.libkeratمن صورة منتج، لإعلان فيديو كامل
جودة إعلانات البراندات الكبيرة، بدون تكاليف التصوير
التصوير التقليدي
- مصور، إضاءة، لوكيشن وممثلين، وكل واحد إله تكلفة
- يوم تصوير كامل، حتى لإعلان مدته ١٥ ثانية
- غيرت رأيك؟ بترجع تصور من الأول
- محدود بالأماكن اللي بتوصلها وبالطقس
الشغل معنا
- بتبعت صور منتجك بس، والباقي علي
- بدون تكاليف تصوير ولا لوكيشن ولا ممثلين
- التعديل على اللقطة نفسها، بدون ما نعيد شي
- أي عالم بتتخيله: غابة، كهف، قاع البحر، أو حارات القدس
وشو بتكسب؟
منتجك بيوقف السكرول
فيديو بيلفت النظر من أول ثانية، بدل صورة بتضيع بين البوستات.
براندك بيبين أكبر وأفخم
شكل وجودة البراندات الكبيرة، حتى لو كنت لسا بتبلش.
إعلان بيشبه جمهورك
شخصيات وأماكن ولهجة بيعرفها زبونك وبيصدقها.
بدون وجع راس التصوير
لا مواعيد ولا لوكيشن ولا فريق. وإذا بدك تغير إشي، بنعدله على الفيديو نفسه.
نفس منتجك.
بس صار ينشاف صح.

إبراهيم بكيرات
إعلانات فخمة · فيديوهات كأنها من زبون
بصنع إعلانات فيديو للمنتجات والشركات بالذكاء الاصطناعي. بس الذكاء الاصطناعي هو الأداة، مش الفكرة.
كل إعلان بكتبه لقطة لقطة، من أول ثانية لآخر ثانية. وبهتم بشغلتين: إن منتجك يطلع صح، وإن الإعلان يشبه جمهورنا وشوارعنا ولغتنا.
شو نوع الفيديو اللي بدك إياه؟
مش متأكد؟ احكيلنا عن منتجك وبنقترح عليك الأنسب، وبنرجعلك بعرض واضح بدون مفاجآت.
إعلان فخم بقصة
زي إعلانات التلفزيون والبراندات العالمية: قصة وأجواء وموسيقى. بناسب العطور والساعات والمنتجات الفخمة.
- فكرة وقصة خاصة بمنتجك
- شخصيات وأماكن على قد براندك
- موسيقى ومونتاج كامل
فيديو كأنه من زبون
فيديو طبيعي لمنتجك أو لمحلك، أو حدا بيحكي عن تجربته كأنه زبون. بيبين حقيقي وبيقنع. بناسب المطاعم والكافيهات والمحلات والتطبيقات.
- شخصيات من عنا وبلهجتنا
- طبيعي وبدون تكلف
- مناسب للإعلانات الممولة
باقة فيديوهات
كذا فيديو لعرض أو موسم أو منتج جديد، كلهم بنفس الستايل. في باقتين بالشهر: الباقة الفخمة (٤ إعلانات) والباقة الطبيعية (٦ فيديوهات).
- كذا فيديو بنفس الشخصيات
- نسخ مختلفة لجمهور مختلف
- بنرتب معك شو ينزل وإيمتى
اسحب لتشوف الخدمات التلاتة ←
من صورة لإعلان، بأربع خطوات
بتبعتلي صورة منتجك
ومعها الشعار، وفكرتك لو في عندك.
بكتب الفكرة
سيناريو ولقطات مكتوبة. ما ببلش إلا لما توافق.
بصنعلك الإعلان
بتشوف النسخة الأولى وبتحكيلي ملاحظاتك.
بتنشر
بتستلم الفيديو النهائي جاهز لحساباتك وإعلاناتك الممولة.
شو بدك منا؟
اختار شو بدك، وبتطلعلك رسالة جاهزة تبعتها على إنستغرام بضغطة وحدة. بدون مكالمات طويلة ولا نماذج معقدة.
@ibrahim.libkeratالرسالة بتنسخ لحالها. الصقها بالمحادثة وابعت صورة المنتج.
كل سؤال إله جواب
المنتج بطلع نفسه بالضبط؟
هاد أهم إشي عندي. بشتغل من صور منتجك الحقيقية، وبراجع الشعار والتغليف والألوان بكل لقطة قبل ما أسلمك.
شو الفرق بينك وبين أي حدا بستعمل AI؟
الأداة لحالها ما بتعمل إعلان. أنا بكتب الفكرة والسيناريو لقطة لقطة، بثبت الشخصيات والمنتج بكل المشاهد، وبعمل المونتاج والموسيقى. النتيجة إعلان إله قصة، مش مقاطع عشوائية.
الناس رح تعرف إنه AI؟
الإعلان بطلع سينمائي وواقعي، ومنتجك حقيقي. وبنلتزم بإشارة المحتوى المصنوع بالذكاء الاصطناعي حسب قوانين المنصات.
الفيديو إلي؟ بقدر أستعمله بإعلانات ممولة؟
أكيد. الفيديو النهائي إلك، بتنشره على حساباتك وبتستعمله بالإعلانات الممولة.
شو لازم أبعتلك؟
صورة واضحة للمنتج من قدام ومن الجنب، والشعار. ولو في إعلان عاجبك أو فكرة براسك، ابعتها كمان.
بقدر أطلب تعديلات؟
نعم. بتوافق على الفكرة قبل ما أبلش، وبعد النسخة الأولى بنعدل لحد ما تكون مرتاح.
قديش السعر؟
بيعتمد على الفكرة وطول الفيديو وعدد الفيديوهات. خصص طلبك فوق وابعته، وبرجعلك بعرض واضح.
بدك إعلان لبراندك؟راسلني للتفاصيل
منافسك ممكن يكون عم يحضر إعلانه هسا. خلي إعلانك يطلع أول.
@ibrahim.libkerat